名音乐人王双骏靓帽珍藏全公开！有顶全球独有 为陈奕迅火烧帽最有味道丨星级品味

男士在时尚界的服饰近年不断演变，已经不再局限在衣服设计上，很多时会借助饰物、帽子等等配饰，突出男士们的个人风格，假如戴有一顶合风格的帽，轻易成为众人的目光！人称「Carl叔叔」的著名音乐人王双骏，近年以「招牌」戴帽造型示人，在下月在会展举行的音乐会，更加出动了多年来的收藏，有廿年「帽龄」的王双骏，原来拣帽有自己一套！

相关阅读：21位名人雪地用品逐件数！黎姿名牌褛件件过万 TVB女星追捧亲民价滑雪服丨星级品味

王双骏靓帽珍藏全公开？

在王双骏首个音乐会上，宣传海报以「Hats On」为题，今次出动的五顶帽，不单每一顶都有不同的故事，而且亦充份表现王双骏对帽子的偏好，日前王双骏接受《星岛头条》的访问，已经有廿年「帽龄」的他，分享了对这方面的心得，他说：「我觉得唔同剪裁、唔同设计、唔同物料嘅帽，各有形态，每顶帽都有佢自己嘅个性。」讲到家中的收藏，王双骏笑说：「我冇刻意去数，通常都系去到边买到边，有时上网买，我要戴啲条边比较阔嘅帽，因为个头比较大，有时戴帽系因为懒，可以唔使整头，所以功能性同美观都并存。当然演出前都通常都系睇吓套衫系点，𠮶个音乐会嘅tone，尽量揾顶啱嘅帽，不过都系贪靓为主。」

王双骏最爱「tree of life」 tattoo hat

今次王双骏只展示了自己小部份收藏，不过当中最爱的一顶，一定是由好友岱羚为他亲自打造的「tree of life」 tattoo hat，他说：「佢系香港人，用咗几年时间喺英国学造帽，而家系做帽嘅artist，顶帽上面有啲图案，有燕子同好多植物，系佢亲手制画，唔系print，一笔咁画，燕子对我嚟讲系我嘅屋企，我身上有一个纹身系有4只燕子，二大二细，代表我哋一家人，我冇专登同佢讲，可能系一个感应，我一直唔知佢做完出嚟系啲，直到顶帽寄咗返嚟，睇完都唔识俾反应。」

相关阅读：袁咏仪2千万Hermès珍藏逐个睇！炒价近百万经典款到偏门款式包罗万有丨星级品味

王双骏还说：「佢同我番个makeing of，系专登订啲笔返嚟画，点知画画吓又唔够墨，又要订过啲笔返嚟画，成件事真系好癫，呢个朋友好贴心又好细心，顶帽系全世界得我有，连呢个盒系个个有，专登揾厂去订，佢话仲可以摆几顶入去，嚟紧佢仲会做几顶畀我，期待紧佢下一顶整乜，我信晒佢。」

王双骏收藏Jer戴过靓帽

接着王双骏再逐一介绍其他收藏，第二顶是米白色帽的则扣了一个写有「J」字章，这顶帽正是Jer（柳应廷）做第一个音乐会经戴过，当时顶帽没有带和章，当时在演唱会担任服装的朋友。专登为这个骚设计了这章：「有啲扣咗喺件衫，我咪扣咗喺顶帽。」另一顶有墨西哥风格的帽亦大宥有来头，王双骏说：「𠮶阵我喺New York见到，叫『THE LOSE CITY』，见到个名已经觉得好正，不过𠮶阵冇我size，我返到香港专登订返嚟，我同Jeremy（李骏杰）做第一个音乐会戴过，睇佢同Jer由零开始，偏心就一定会有。顶帽买咗好耐，一路唔舍得戴，但系一路揾唔到合适嘅场合，终于可以揾到出路。」

摄影：罗安强场地：电笠
发型：@salonstone
化妆：@kriswong.520
Stylist: @eeeeeyli
服装：@rickowensonline @ithk @ampjapan @believeinmiracle1977
@craftman.hk @give_me_a_wing @_solo_hk

梁朝伟刘德华撞鞋？

王双骏有顶珍藏被火烧？

另一顶黑色的帽亦很有特色，帽边似被人用火烧过，王双骏笑说：「系造出嚟，布系古董布，同Juno（麦浚龙）喺2019年咤叱咤拎大碟奖𠮶阵戴，有佢嘅独特意义，好啱我，就系烂同旧，我好钟意啲嘢有个历史。」而另一顶款式相的白色帽，真的被火烧过：「系用人手整出嚟，同Eason影《LOVE》影封面戴过，意义好大，好多画面，𠮶几年tour嘅画面。」他续说：「我同duo band合作冇谂过系咁，好多系新相识，冇谂过大家可以夹得咁凄凉，所以咪做一只碟去纪念件事，想话畀人知，尤其系行内，好多嘢系好视乎系点做件事，大家都系做紧𠮶啲嘢，唔系出粮𠮶刻开心，做tour都可以开心，同大家返工一样，返工开唔开心，系视乎大家有冇通力合作，有时得你付出，老板冇付出， 都系冇用。我自己好好彩，所有人都系好融洽，基本上系一个旅行团，咁啱做咗表演，其实我哋系去游山玩水。就算我做紧其他tour，都会将呢样嘢去保持。而家有心态好似系一个传承，唔想净系用技术做嘢，如果心态好，成件事系会唔同。」

今次音乐会找来谢霆锋、麦浚龙、柳应廷、李骏杰、吴林峰及& The Duo Band等组成最强阵容参与演出，坊间都很期待，尤其是谢霆锋的出现，更加成为焦点，王双骏说：「其实我嘅人生系好幸福，我一路入行开始，遇到好多好好嘅人，佢哋影响咗我好多嘢，又可以喺佢哋身上学到嘢，正所谓出外靠朋友，呢一铺直头系靠好多朋友。今次系一个好时机，系一个机会去审视返自己做过嘅嘢，我一路以嚟觉得好似推出咗一首歌，就系一世嘅事，永远存在喺呢个世界上面，如果当你做𠮶样嘢系违背良心，知道系渣流滩，一世都系咁，你嘅子孙听番就会听到唔尽力，所以我每一次都不容有失，要对得住自己。」他还说：「我自己都好期待，今次系新知旧雨走埋一齐，主角唔系我，系同主角关系嘅化学作用，呢排听番晒好多以前做落嘅嘢，好彩原来都唔失礼，有啲仲可以感动返自己，系一个几好嘅温故知新。」

其他文章：

章小蕙30年珍藏名牌包包逐个睇！着过季旧衫直播：好东西没有期限的丨星级品味

TVB颁奖礼女星衣着首饰品牌逐件睇！佘诗曼钻饰近70卡 高海宁撑国产设计够高雅丨星级品味

梁朝伟最爱潮物逐件睇！潮著「溶解鞋」与刘德华撞款 平民价CP值高丨星级品味

------------------------------

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ