【127】甘比澄清唔再幫襯福臨門因為換咗大廚

更新時間：16:18 2020-05-07 HKT
發佈時間：15:53 2020-05-07 HKT

曾經是福臨門常客的華人置業（00127）前主席「大劉」劉鑾雄，早前有報道指大劉唔再幫襯，是與陳姓股東入股福臨門有關。不過，今日大劉太太陳凱韻（甘比）就在社交媒體上發文澄清，指報道無中生有，大劉差不多四年未有再光顧的主因，是餐廳更換大廚後，食物水準完全不符合大劉的個人要求，重申不會因陌生人改變飲食習慣。甘比又話，大劉曾經有一刻想發聲明澄清，但平靜過後只覺得好笑，「認識劉生的人也知道他十分愛吃，只要有好吃的食物，他就算行動不便也要去，點會為了一個完全陌生的人而改變呢！」另外，甘比又貼出多張女兒在家中整蛋糕、曲奇等甜品的照片，被媽咪大讚「家中有小廚」。女兒係爸爸的「前世情人」，大劉有女兒咁精乖會整蛋糕甜品，咁有口福，使乜出街食嘢呢！(an)