港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】搵錢供樓爛撻撻角色乜都接湯洛雯避談婚期唔講馬明

即時娛樂

更新時間：12:59 2021-03-11 HKT
發佈時間：19:45 2021-03-10 HKT

一向大方講馬明的靚湯忽然稱專注工作，不想再回應戀事。

33歲湯洛雯（靚湯）和47歲馬國明（馬明）認戀8個多月，一直愛得高調又甜蜜，引來全城催婚！有消息指他們已着手籌備婚禮，並於今年8月拉埋天窗。新劇《失憶24小時》拍檔譚俊彥（Shaun）更爆料：「可能佢哋已經簽咗紙！」靚湯即否認婚訊。問到靚湯今年會否嫁人？接受《頭條日報》訪問的她稱「唔答咁實」，僅透露下月開劇拍到9月，之後會安排其他工作，仲忽然低調唔講馬明。但轉個頭，分隔兩地的「湯馬」又於IG晒定情公仔，閃盲一眾網民。撰文：黎寶倫　攝影：譚壹致

「湯馬」公開戀情8個多月屢傳婚訊，有指二人於今年8月結婚，圈中好友亦已預留時間出席婚禮。

靚湯表示冇後悔於頒獎禮前，戲言若馬明封視帝就結婚，但認為再惹婚訊「好誇張」。

湯洛雯曾於無綫劇《心理追兇Mind Hunter》飾演臨床心理學家，與馬國明咀戲連場。時隔4年，她於熱播劇《失憶24小時》再演心理醫生，與對手譚俊彥更上演從影以來最激吻戲，搞到靚湯都好尷尬，「之前冇㗎。（因Shaun較吸引？）一定係啦，哈哈！其實通常蜻蜓點水，今次錫到瞓喺度先尷尬啫。」對於再拍激情場口，靚湯稱咀嘴也可以，摸就要視乎劇情需要，「其實奸角都想試吓。（狐狸精？）無所謂，角色吸引、多發揮都想做，或者好爛撻撻、講粗口都OK。」為拍劇和電影，她亦不介意像《殺手》中的龔嘉欣剷青，難道博攞獎？「獎項唔係我目標，唔應該因一個獎而否定自己，其實每年都學緊嘢，進步先最重要。」

上周馬明北上拍劇《白色強人II》，愛得癡纏的「湯馬」才分開一日就於IG晒定情公仔，隔空傳情。

馬明也於IG晒出定情公仔。

終止結婚話題
自去年6月認戀後，次次提及馬明都侃侃而談的靚湯，早前被問到婚期時卻表示講到悶，今次也明顯不欲多談，她坦言沒料到一直大方回應卻遭頻頻催婚，「我哋只係拍咗幾個月拖，正常Couple都要了解，好開心大家祝福我哋，但有番少少空間會好啲。（好大壓力？）又唔係，但唔想一講我就聯想結婚，因為我仲係搏殺期，好想大家聚焦工作，所以都唔再講咁多。」提到曾揚言馬明封帝即結婚，她稱純粹講笑，本來想藉此終止這個話題，未料再惹來婚訊！若馬明當時得獎可會兌現承諾？靚湯說：「而家都冇，唔講喇。（好在冇中？）過咗去喇。」至於傳8月出嫁，問婚期是否近？她僅答：「唔知。（今年內？）8月唔會，9月都應該唔會。（12月前都唔會？）唔答咁實喇，而家真係冇呢個Plan。」