港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】囝囝怕老竇寂寞鼓勵搵女友林子博一家三口食盆菜過年

即時娛樂

更新時間：08:44 2021-02-18 HKT
發佈時間：22:56 2021-02-17 HKT

子女向子博拜年𢭃利是，點知卓楠話唔想見爹哋孤獨終老，接受他搵女朋友，一家三口都笑爆嘴！

父兼母職嘅林子博過年前同一對仔女去酒樓食團年飯，15歲大女詠渝不忘賣口乖，狂講意頭說話同老竇拜年𢭃利是，子博乘機整蠱仔女，著他們講財色兼收，11歲細仔卓楠接受爹哋搵女朋友，因為唔想爹哋孤獨終老！對此子博笑言：「新年流流講呢啲！」真係童言無忌，笑爆嘴！採訪：方騫平攝影：梁志明場地：龍皇酒家@銅鑼灣世貿中心

呢個鮑魚盆菜好足料，子博最鍾意食鵝掌，大讚炆到好入味，卓楠最愛遼參，詠渝猛食花膠。

五年前一家4口拍過串燒賀年歌《四喜臨門》MV，係個美好回憶。

當天一家三口食團年飯笑聲不絕，子博表示除咗代媽咪派利是畀子女外，之前送聖誕禮物都會送得大份啲，要畀埋媽咪嗰份，又透露子女都習慣面對新生活。詠渝說：「我同細佬會互相照顧。」至於邊個做家務？子博話好公平，通常玩Card Game，由輸家去做，唔會恃住係爸爸點佢哋做嘢。

卓楠都好乖，平日有幫手做家務。

想返TVB做綜藝節目

提到新年願望，詠渝最想疫情快啲完，子博希望所有人都身體健康，社會盡快回復正常：「𠵱家個個都嗌晒救命，所以最近出咗新歌《逆水行舟》嚟勉勵大家，即使逆水行舟爬得好辛苦，但都會有人喺身邊支持你，好似張衛健好撐我，之前仲用視像接受我主持嘅電台節目訪問。」至於卓楠接受爹哋搵新女友，子博沒好氣說：「都唔會係𠵱家啦，邊有咁快可以呀？」

對於曾志偉做TVB做高層，子博以前常訪問他，形容志偉係好好嘅前輩，他坦言：「有機會我都想返去，畢竟喺TVB做咗11年，而且帶住兩個細路仔，都想搵份穩定嘅工作，可以試吓拍劇同主持綜藝節目。」