有肚腩唔係有喜江嘉敏晒命男友驚佢餓親頻煮麵

即時娛樂

更新時間：20:34 2021-01-27 HKT
發佈時間：18:30 2021-01-27 HKT

江嘉敏出席劇集《黯夜守護者》拜神儀式。

江嘉敏出席劇集《黯夜守護者》的拜神儀式，早前她被影到與男友睇婚戒，有傳好事近隨時結婚，她解釋：「當日同媽咪、男友行街，冇睇過任何首飾，最近忙拍劇唔得閒結婚，有喜訊會告知大家。」

江嘉敏出席頒獎禮被指身形發福，驚現多層肚腩。

江嘉敏與圈外有米男友Anthony拍拖兩年多，愛得高調且甜蜜。

問到帶男友同媽咪行街，男友會否很大壓力？江嘉敏坦言媽媽好錫男友，唔會畀說話佢聽。早前江嘉敏出席《萬千星輝領獎禮2020》被指身形發福，驚現多層「肚腩」，她稱唔會介意，「明白工作需要瘦啲，已經開始節食及做運動。」她強調自己不是追求瘦，最緊要健康，又指男友鍾意佢有肉地。

有網民留言問江嘉敏是否大肚?她馬上否認，其後又指男友是罪魁禍首，她說：「有時收工話有啲肚餓，佢就去煮麵畀我食，所以搞成咁，依家要忍口。」