洪嘉豪被封「港版木村」疑與胎教有關：我都覺得有少少似

更新時間：17:57 2021-10-28 HKT
發佈時間：01:30 2021-10-29 HKT

Kaho即席「神還原」木村在《悠長假期》玩彈彈波的經典場面。

歌手洪嘉豪（Kaho）現身「黃Viu煲劇平台」節目《同煲同BLOW》，與主持人麻利討論日劇話題，更即席「神還原」木村拓哉在經典日劇《悠長假期》中，玩彈彈波的場面。身為木村迷的Kaho笑言是受媽媽胎教影響：「我媽咪係木村迷，陀住我嗰時成日睇木村嘅劇，我覺得有少少胎教影響，有科學根據講過DNA係識得學習，所以似樣都可能係有啲關係。」

對於被稱為「港版木村」，Kaho坦言自覺受不起這稱號，但自己都得有點似！

Kaho接受麻利訪問。

對於被褒獎為「港版木村」，Kaho坦言自覺受不起這稱號，但另一邊廂又會心裏暗爽：「木村喎，真係受唔起！坦白講，有時自己都覺得係有少少相似，但我唔會認㗎嘛，不過係好開心啦，佢咁靚仔。」近期Kaho再有新花名，由日本男神變身為大埔許願樹「林村拓哉」，他說：「事緣係有人睇完我MV，就喺討論區留言話我好似木村，但佢就打錯字做『林村』，有人回覆佢林村喺大埔喎，之後就有粉絲改圖，將我Key到成頭都係寶牒。」