【唔怕肉麻】男友冧稱「My Boss」送祝福江嘉敏25歲生日狂放閃

更新時間：23:00 2019-11-07 HKT
發佈時間：15:25 2019-11-07 HKT

25歲的Kaman，自稱是「18歲半」生日。

江嘉敏（Kaman）跟電競公司高層男友Anthony拍拖以來，一直愛得甜蜜，雖然早前她被指「收兵」，瞞住男友跟其朋友兼生意拍檔「Ｘ先生」王仁灝搞曖昧，但事後她已公開解釋，因自己溫柔細聲招誤會，男友不但冇怪Kaman，更道歉：「王先生係佢介紹我識，佢同我Say Sorry，搞到我都好內疚。」Anthony呢個男友確實難得。

好友馮盈盈、劉佩玥及麥明詩等都有出席。

Anthony的IG有不少跟Kaman的甜蜜照。

前日11月4日是Kaman的25歲生日，身為絕世好男友的Anthony當然有做嘢。今日Kaman在IG貼了跟馮盈盈、劉佩玥及麥明詩等開生日派對相片，Kaman還激罕地tag了男友的IG，而Anthony的IG亦由private變成public，一睇裏面見到大量他跟Kaman的甜蜜合照，仲着埋情侶裝，又有攬晒腰嘅咀嘴相，真係閃到眼都盲。最難得Anthony唔怕肉麻，公開冧稱女友做「my boss」送祝福：「Happy birthday to my boss, love you 8 to the sideway as always.」Kaman亦好識做秒速回應：「1st like.」

Anthony跟Kaman着埋情侶裝。

跟Kaman的打情罵俏相，Anthony一樣公開。

至於Kaman亦鬼馬專登報細歲數稱：「生日快樂to Me！又大咗少少喇！終於18歲半喇！一年比一年嘅生日開心！食嘅生日飯生日蛋糕都每一年遞增！當然體重都係！睇住自己每年都有進步，的確想多謝身邊嘅每一位好朋友！亦都好多謝屋企人同Fans一路默默嘅支持！我會繼續努力，去學習去進步！今年就克服咗怕水，去學潛水！唔知嚟緊可以克服咩困難呢！」她感激一班好朋友為她舉行的驚喜派對，直言嚇了一跳，而生日願望則是：「同細個嗰陣嘅一樣，想世界和平！#宣布放棄減肥一個月」。