20年友情不變陳小春教鄭伊健演唱會劏房制

更新時間：16:19 2018-12-17 HKT
發佈時間：14:36 2018-12-17 HKT

鄭伊健和陳小春友誼超過20年，不是常見面但常在心。早前他們在《古惑仔》電影系列導演劉偉強的辦公室，接受電台《叱咤樂壇》節目訪問，伊健和小春坦言第一次見面就看對方不順眼，小春說：「拍第一集《古惑仔》埋位先至識佢，每次大家圍埋度啲嘢，佢就繑晒手好多嘢諗，有冇咁多偶像包袱？驚咩呢？」伊健說：「其實拍完6集我哋都仲未熟……嗰陣時佢哋『風火海』3個，我得自己1個，淨係識林曉峰。」小春即插嘴：「其實我同林曉峰嗰陣已拍過戲，熟過你！」伊健續說：「係囉，4對1，仲有一睇你就知唔係善男信女咁，梗係驚啦！」
好朋友亦有吵架時，伊健和小春不約而同最難忘2007年拍劇，為了一場對打戲吵得面紅耳赤，當晚互當透明不揪不睬，但第二朝互講「早晨」就化解了。伊健說：「大家都係為件事好，只係觀點唔同，拍打交戲最易扯火，但唔會傷感情。」小春承認這次讓他更了解伊健。
對於伊健紅館演唱會，創意爆燈的小春建議伊健將演唱會「劏房制」，說：「你1場演唱會兩個半小時，每半小時為1份，即係分成5份。你唱1份，然後判4份出去，請郭富城唱1份，黎明又唱1份…」，伊健哭笑不得，說：「小春就係咁㗎啦，成日好多諗頭，我哋跟佢指示去做。」問小春得到其中1份演出時間點用？他邊數手指邊說：「你畀半小時我都得呀，我依家做緊演唱會㗎嘛，攞少少出嚟就唔使再綵排，又或者再劏幾份判出去。」問小春劏上劏之後的一小部份會唱伊健問哪首歌？他想也不用想就揀了《Beautiful Day》，說：「每次聽佢唱呢首歌都好有正能量、充滿希望、好開心！」