Leon出明福俠月餅：可能有人話唔好食我都費事理佢

更新時間：23:59 2017-07-13 HKT
發佈時間：18:34 2017-07-13 HKT

黎明（Leon）除了之前開演唱會出明福俠副產品外，今個中秋節，他也推出明福俠月餅，今日他就在臉書推介這月餅，留言：「對月餅每人有不同口味！冰皮！蓮蓉！豆沙！『五仁』我父親的摯愛，有人鍾意老字號新包裝，有人鍾意創新或嘗試新的口味，記得我細個在人地（哋）天台看月光聽收音機播放着～～月亮光光～月亮光光，同時和家人一起吃着月餅，當時香港天氣中秋節唔係點落雨，依家成日落雨真吹脹。」
然後重點來了，「到了今年我希望中秋佳節唔好落雨，可以吃着自創的明福俠紫無花果月餅！貴或平唔重要點都唔係天價！好食我話但可能有人話唔好食，我都費事理佢總之我覺得好食健康應該信自己。這才是做人的應有態度！也是明福俠的態度！買定唔買！買定唔買！買定唔買！買定唔買！你決定！明天7月14號開始限量發售」。網民紛紛留言支持Leon，留言：「月餅你都撈埋，正吖！無人夠你玩！十卜十卜！」;又有以為他純粹搞笑說：「係咪真係有得買」。