內地版《求婚大作戰》娘味濃 網民嬲豬：唔好破壞神作！
更新時間：22:16 2017-03-09 HKT
發佈時間：18:09 2017-03-09 HKT
發佈時間：18:09 2017-03-09 HKT
字體大小
「哈利路亞，CHANCE！」唔少人睇到句咒語，腦海中都浮現出「岩瀨健」山下智久喺2007年播出嘅神劇《求婚大作戰》中，集集都會嗌一次。山下智久穿越時空改寫過去，為嘅就係把握機會向「吉田禮」長澤正美表白，唔想後悔當初鍾意人又開不了口。
去年內地買咗版權，正式翻拍《求婚大作戰》，於上海、廣州等地取景。角色方面，張智霖（Chilam）代替三上博史，飾演擁有控制時間能力嘅妖精；韓團EXO中國籍成員Lay（張藝興）係男主角，女主角係香港人唔多識嘅陳都靈。
話明內地版，改名都要符合國情，「岩瀨健」、「吉田禮」，分別改為「嚴小賴」同「吉恬恬」，聽到都覺娘味濃郁。淨係睇卡士同角色名，網民都喊晒口話「神劇幻滅」、「毁壞童年系列」、「唔好破壞神作啦」。
內地版《求婚大作戰》下個月17號首播，日前公開預告片，一撳Play掣，原汁原味用返日版配樂，亦有唔少橋段跟返足，似乎幾有親切感。例如，男主角喺中學時期打棒球、著住校服放紙飛機，講「哈利路亞，CHANCE！」就可以回到過去。有擔心過度嘅網民爆笑話：「好在唔係轉做『阿彌陀佛，機會！』」
另外，張藝興將缺席EXO於今個月18日喺馬來西亞舉辦嘅演唱會，甚至一次過缺席埋下個月於新加坡、北美等國嘅騷。消息一出，粉絲大感婉惜，猜測缺席原因係目前中、韓、美關係緊張，更擔心EXO今年回歸樂壇計劃有變。
內地版跟日版跟得幾足㗎。 
「哈利路亞，CHANCE！」 
著住校服放紙飛機又一樣。 
Chilam飾演擁有控制時間能力嘅妖精。
去年內地買咗版權，正式翻拍《求婚大作戰》，於上海、廣州等地取景。角色方面，張智霖（Chilam）代替三上博史，飾演擁有控制時間能力嘅妖精；韓團EXO中國籍成員Lay（張藝興）係男主角，女主角係香港人唔多識嘅陳都靈。
話明內地版，改名都要符合國情，「岩瀨健」、「吉田禮」，分別改為「嚴小賴」同「吉恬恬」，聽到都覺娘味濃郁。淨係睇卡士同角色名，網民都喊晒口話「神劇幻滅」、「毁壞童年系列」、「唔好破壞神作啦」。
內地版《求婚大作戰》下個月17號首播，日前公開預告片，一撳Play掣，原汁原味用返日版配樂，亦有唔少橋段跟返足，似乎幾有親切感。例如，男主角喺中學時期打棒球、著住校服放紙飛機，講「哈利路亞，CHANCE！」就可以回到過去。有擔心過度嘅網民爆笑話：「好在唔係轉做『阿彌陀佛，機會！』」
另外，張藝興將缺席EXO於今個月18日喺馬來西亞舉辦嘅演唱會，甚至一次過缺席埋下個月於新加坡、北美等國嘅騷。消息一出，粉絲大感婉惜，猜測缺席原因係目前中、韓、美關係緊張，更擔心EXO今年回歸樂壇計劃有變。
