喜悅精靈穩操勝券
更新時間:03:00 2023-01-24
發佈時間:03:00 2023-01-24

相比起一眾前列練馬師,賀賢的兵力當然遠遠不及,不過今日賀歲賽賀賢誓必成為主角,因為出馬多達九匹,而且單係在上仗躋身三甲就有四匹,稱得上惡馬如雲。其中「喜悅精靈」安排匆出兼強配潘頓,戰意可靠,是馬房的出擊主力。 
第五場第五班一八○○米:「縱橫十六」是匹龐然大物,今季成長後再大多個碼,首戰體重達歷史新高一二七二磅。之後轉到文廄繼續增磅,兩次上名時的體重均接近千三磅,這是否表示仍在成長仍在進步?咁真係要跑多幾場先知,不過看其上仗走勢的確吸引不已。 先講番前仗,「縱橫十六」乃加盟文廄首戰,因賽前無試大閘,備戰工夫一般,安排上陣應是寓操於賽,而在上仗賽前見「縱橫十六」試番課閘,落場表現果然有板有眼,若非入直路取位不順,繼而一再碰撞,以其強勁衝刺應可得手,再看蹄下敗將「樂天派」再出補中,可見這席只以半身位落敗的第四名,水準又幾高。今次「縱橫十六」賽前再試大閘,搏殺擺明車馬,同時亦可讓這匹大馬達致收身之效,絕對稱得上實力戰意兼備。 
  第七場第四班一四○○米:「喜悅精靈」上季一再上名卻未能勝出,但已展現出不俗能力,前仗首度落到五班,並終於出戰最合適的千四,結果以熱門身分打開勝門。上仗「喜悅精靈」續出戰贏馬路程,結果再次交出好表現,在留得比前仗更後下,力追拼獲亞席僅負馬頭位,賽後一再睇片,若非遇上超慢步速,本身直路又困好遲望空,肯定已再建一功,甚至大勝。今次「喜悅精靈」相隔九日又跑過,路程、配搭同樣唔似,表明收復失地心意,再看潘頓出策成績,六戰獲一勝四位,人馬合作無間,置身弱組穩操勝券。
 

最Hit