阿叔棹忌「8字歪咗」大鬧車牌行 $340整車牌用尺逐吋度 老闆「滴血」收場｜Juicy叮
發佈時間：13:55 2025-02-20 HKT
有奄尖大叔昨日（19日）大鬧銅鑼灣大坑一間車牌行，不滿車牌被整到「8字歪咗」，老闆現場度尺證明「完全齊整」，但大叔仍用間尺逐吋度，不斷挑骨頭，老闆最後以一絶招逐客，搞到「隻手指尾就仲滴緊血」。
涉事的車牌行昨日（19日）在其官方Facebook專頁，以「呢個是人渣黎」為題，發表逾千字帖文，怒斥該奄尖客，詳情如下：
阿叔棹忌「8字歪咗」大鬧車牌行 $340整車牌用尺逐吋度 老闆「滴血」收場：↓↓↓↓
該大叔客人是車牌行隔鄰車軚舖介紹，一星期前來整一個全新的車頭車牌，昨日大叔來取車牌。「（車牌行的）師傅幫佢將佢車喉嘅膠紙清潔好，大約15分鐘後，師傅帶埋隻新嘅頭牌，同呢個男人入嚟就話：『呢個老闆話個8字歪。』」
大叔隨即投訴：「呢兩個8字都唔平衡。」他不滿車牌上頭尾兩個8字「歪咗」，車牌行老闆即拿出間尺，即場量度確認，兩個8字都是相同距離，他即向大叔說：「我用間尺度，佢完全至中喎，有時可能係錯覺引致。」
該大叔即時以間尺逐吋度來挑剔，「佢攞左把尺同個車牌，度咗兩邊個8字距離，無嘢好講5秒又話：『中間兩個T字都唔齊整啦，個白邊！』」
同場加映：紅磡大叔睇《破．地獄》起衝突 4招擾人嘈足全場 港男疑違法舉動反擊惹議：↓↓↓↓
老闆再用把間尺，拍住T字個頂度齊：「完全齊整喎，成一條直線咁。」大叔「又冇嘢講5秒」再挑剔：「個8字個空格太闊！」老闆拿出香港法例指示圖給他看：「香港法例佔車牌空格，最少係55mm距離，呢個係下限嚟㗎。」
老闆向大叔建議：「不如我欣賞吓你以前個牌有幾靚？」他一看大叔的舊車牌，「根本啲字歪嚟歪斜，非常之惡劣。」老闆再說：「你唔滿意呢個牌，我可以退錢俾你，甚至乎我退錢畀你，再送畀你用都得。」這時大叔勃然大怒：「你咩態度呀而家，咁差態度！」老闆娘這時將全數340元退回給大叔，「之後，我立即將呢個新嘅車牌，當佢面搣爛佢（可惜就係割咗隻手指尾塊皮出嚟，妖）。」
網民：佢個八字就真係歪啦
老闆即時下逐客令，但大叔大發爛渣，表示會去消委會投訴車牌行，並指「拆咗我隻牌唔幫我裝返」，老闆這時取出膠紙出去幫大叔貼回舊車牌，但大叔仍「賴死唔走不斷鬧」，最後老闆唯有大聲用粗口轟走他，「成條街都聽到，亦好多人出嚟關心。之後，一路Ｘ一路護送佢上車。」
老闆最後無奈說：「其實我都唔知佢想點樣，嗰個牌靚過佢原本嗰個好多，亦都好少有咁齊整，唔知點解佢要咁樣留難我哋。」
不少網民留言同情車牌行老闆被麻煩客刁難：「佢個八字就真係歪啦。」「係見到佢都變八字眉。」有網民又懷疑男子刻意挑剔可能「係想r著數啫。」「真係咩人用咩車牌。」
同場加映：土瓜灣的哥燈位前遭大叔連打14拳 20秒內行兇 網民爆一原因遇襲：↓↓↓↓
