16歲孝順女無懼金價高企豪花4位數買金手鐲送母網民感動：氹人生女系列

更新時間：16:45 2025-11-12 HKT
發佈時間：16:45 2025-11-12 HKT

近期黃金價格新高不斷，不少市民選擇到金舖賣金套現。不過，近日有一名年僅16歲的孝順女反其道而行，無懼金價高企，豪花4位數買金手鐲，作為母親40歲生日的驚喜禮物。樓主補充，母親收到禮物後十分感動，當下「眼濕濕」，後來更「開心到瞓唔著」。帖文引起網民熱議，不少網民大讚樓主有心，「氹人生女系列」、「16歲就識咁錫媽咪，真係好乖好叻」、「樓主係孝順嘅孩子。」即看下文了解詳情。

16歲孝順女無懼金價高企豪花4位數買金手鐲送母作生日禮物

近日，有網民在Threads發文，指因母親「以往年年都送好大份禮物俾我」，因此決定在母親40歲生日之際，向她回一份大禮，「之前咁多年都冇正式送，咁啱佢40歲必須俾個驚喜。」於是年僅16歲的樓主無懼「貴金價」，豪花$1500在珠寶店入手一隻金手鐲，直言「買完呢個我存款剩$20」。樓主表示，母親收到禮物當下有些不可置信，「佢係咁問真係㗎」，後感到十分高興，「佢原地轉咗個圈，同我老豆講，係咁影相，佢笑到喊，好耐冇見到佢咁開心」、「啱啱仲send message比我話開心到瞓唔著。」

事後樓主透露，購物前在金舖門口徘徊整整一小時，「我驚買咗佢覺得唔值，唔想係好嘅原意但係比佢話。」但幸好母親收到禮物後非常開心，讓她相當感動，最後祝福母親生日快樂，「（佢）好開心，我都要喊了，媽咪四十歲生日快樂！」

網民感動：氹人生女系列

帖文引起網民熱議，不少網民大讚樓主孝順，「16歲就識咁錫媽咪，真係好乖好叻，替你媽咪開心，佢一定會永遠記得40歲生日，個女買咗呢份禮物俾佢」、「樓主係孝順嘅孩子」、「好乖女呀，你咁乖，一定係喺好有愛嘅家庭成長，物質都係其次，為媽媽花心思更難能可貴」、「呃人生女系列，真係早生有著數。」也有不少網民為樓主媽媽送上祝福，「你好乖女呀！祝你媽媽生日快樂！」、「孝順女，祝你媽媽生日快樂！」

圖片及資料來源：[email protected]__

文：Y