孝順女付首期冀買樓予父母養老 惟因後續發展呻蠢｜Juicy叮
發佈時間：12:06 2023-01-17
在香港買樓並非易事。有孝順女在網上發文指，計劃買樓予父母養老，並將首期的款項交給父母，讓他們自行決定所居住的地區，沒料到後續發展卻令人意外，更令她大呻「都唔知自己點解可以咁蠢」。
該名港女日前在Dcard討論區以「畀錢父母買樓，點知層樓落咗細佬名」為題發文，提到「阿爸阿媽成世都冇享福過，真係捱得好辛苦先帶大我同細佬」，而自己在畢業8年後「終於叫做草到啲錢」，加上在股票市場獲利不少，因此計劃買樓予父母養老。她指，「我就諗住畀佢哋自己決定買邊度，將筆首期錢畀咗佢哋，到時決定買邊就叫埋我一齊去銀行搞按揭咁啦」。然而，在事隔半年後仍未聽到進一步消息，因此趁著近日回家吃飯時詢問父母。沒想到，母親竟表示「筆錢已經畀咗細佬買樓」。樓主聞言後大感愕然，並指「我辛苦苦苦賺翻嚟嘅首期錢諗住孝順下老豆老母，都唔知自己點解可以咁蠢，就咁畀佢哋拎咗去畀細佬買樓」。
樓主分享及網民回應請點擊組圖瀏覽：
相關帖文隨即引起網民討論，不少人批評樓主父母及弟弟的行為，並指「你細佬講都唔講就咁堂而皇之接受，都有啲過分喎」、「唔止落名喎，呢個情況完全係變相你幫你細佬畀首期」、「叫佢哋以後靠個仔養老，你責任已盡」、「你細佬咁都受嘅，佢知唔知係你買畀父母？如果係我，我會唔好意思收呢層樓，落我名一定會同你講聲」、「樓主如果今次啖氣都忍到，咁你以後遇到更過分嘅事你唔好怨。你老豆老母完全冇尊重過你，你細佬仲好嘢，拎完錢買樓，拍拍囉柚走人，連thanks都無講句」等。
相關新聞：
Juicy叮｜買樓自住慘變負資產 港男呻：「日日咁辛苦返工變做義工」：https://bit.ly/3Wb5nN3
Juicy叮｜儲夠100萬擬移居買樓 打工仔籲年輕人18歲開始儲錢：https://bit.ly/3iCkyBf
有人則建議「唔好再畀家用」、「逼佢哋拎返錢畀你，唔係就搵律師搞返層樓落返你名，企硬pls，唔好畀呢啲父母食住你成世」、「叫細佬自己供返層樓」、「你畀嘅錢如果佔比大嘅，傷感情打官司都要打翻返嚟」、「呢個case可以搵律師嘗試拎翻個業權，你可能係實益擁有人。可以keep低所有record，例如轉數記錄」等。另有人則關注樓主的理財方式，並指「家姐缺細佬嗎，得閒教下細佬理財就得，識自己煮飯去廁所，唔伸手問你拎馬內的」、「錯重點，但希望樓主可以開多個po講理財同買股票心得」等。
帖文來源：Dcard討論區
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
