梁芷珮西九千呎單位曝光！ 細屋搬大屋單邊無敵海景飽覽維港景色
發佈時間：22:00 2022-12-15
無綫以「樓價」為主題的問答遊戲節目《樓價有得估》近日再添食4集，今晚播出「上車盤」主題由劉穎鏇、江嘉敏、何依婷及蔣家旻擔任嘉賓。問到四位女神會選擇哪區上車時，江嘉敏即抵死「表忠」：「應該都係公司附近，未來 50年都會喺度。」認真識做。今集其中一條問題，問到大角咀老牌屋苑與粉嶺半新屋苑相比，哪個呎價較高， Leonard即以揀女友做比喻：「揀樓好似揀女朋友咁，除咗四正之外，樓齡都好緊要。」在旁的Do姐聞言即嬲豬謂：「依家咩意思呀？邊個坐喺你隔籬呀？好多𡃁仔都鍾意我架！」轉數快的 Leonard即硬 兜：「你係女神，唔係女朋友。」場面搞笑。今集分別走訪了黃俊豪及招浩明家居，黃俊豪位於西半山的單位以白色裝修為主，乾淨企理；招浩明位於大埔白石角的單位則擁有特色露台，方便他訓練狗狗和睇劇本，兩個單位各有優點，讓觀眾估到底那一間租金比較貴。
而明晚一集的集亮點是走訪了《潮什麼》系列主持梁芷珮的星級家居，梁芷珮自言坐唔定鍾意四圍搬，並由700多呎的青衣單位搬到現在 970呎的西九龍三房單位， Do 姐聞言都不禁說：「真係愈住愈大間！」。
現年40歲梁芷珮憑主持《潮什麼》系列人氣急升，一家五口的她單位絕對十分搶眼，客廳深長之餘四正，而且空間開揚、光猛、乾淨利落，舒適感十足。她更曾在網上分享其飽覽維港及城市景色的超大窗戶。
【點擊睇節目照片+梁芷珮大屋】：
明晚一集的主題是「換樓家庭」，嘉賓為張頴康、麥雅緻夫婦 VS區永權、賴慰玲。張頴康回答問題時看似對樓價相當熟悉， Do姐見狀忍不住追問：「你哋係咪成日睇樓？」麥雅緻聞言直認不諱：「睇樓係一個節目嚟。」媽咪級人馬賴慰玲則透露最近正研究不同校網，坐擁喇沙、拔萃、瑪利諾等傳統名校的 41校網是其心水之一。
【其他閱讀】：
10年前藝訓班同學為鄭丹瑞慶生 利穎怡入學片撞樣許秋怡變黑歷史
神隱多年甄楚倩現身賀好友生日 單親媽獨力湊仔shopping專攻街市
72歲李司棋絕密童照出土 自小識擺騷長腳甫士 網民讚天生有文青氣質
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
