拍節目唔驚被後輩挑機 陳啟泰：放馬過嚟
更新時間：03:00 2026-06-09 HKT
發佈時間：03:00 2026-06-09 HKT
發佈時間：03:00 2026-06-09 HKT
字體大小
陳啟泰日前夥拍藝人曾傲棐、網紅嘉盈、Jon Jon拍遊戲節目，陳啟泰笑言叫後輩「放馬過嚟」：「佢哋越牙尖嘴利，我轉數就越快，成個節目出嚟呢就會越好睇。」曾傲棐笑言在前輩面前未敢太自信，通常越自信結果會越「慘烈」，又笑言夠膽講是看前輩的節目成長：「我查返《百萬富翁》播出時，正正係我出生年份！」
陳啟泰又透露自主持《百萬富翁》後拒絕去所有遊戲節目做嘉賓：「我覺得既然做咗一個比較標誌性遊戲節目主持，我就拒絕上所有遊戲節目。」久休復出的陳啟泰積極運動盼重回巔峰狀態，透露之前患病重到200幾磅，現已減到180磅，應該還會進步。已「登六」的陳啟泰笑言盡享樂悠咭福利，不時乘公共交通出入，平時坐車都歡迎街坊邀合照。
