胡子彤：hehe情糟質我都得

更新時間：02:18 2021-06-07 HKT
發佈時間：03:00 2021-06-07 HKT

　　(星島日報報道)新銳導演馮智恒自編自導的第四屆首部劇情電影計畫得獎作品《遺愛》，由鄭中基、胡子彤、陳漢娜（Hanna）、陶禧玲等主演，獲電影發展基金撥款資助約500萬元資金下完成拍攝，馮智恒坦言理論上沒有可能，但之前好多導演拍出好的電影，令品牌得到效應，從而獲得好多人幫手，主演鄭中基睇過劇本好信任，更零片酬演出力撐。
　　視鄭中基為偶像的胡子彤，笑言今次只合作一場戲，好緊張、十足粉絲心情，雖然那場戲要寸鄭中基，但內心卻是心心眼。問到下次會否自薦再合作？他說：「我隨時都得，我等你、我愛你。如果同佢再合作做乜嘢角色都得！（hehe情都得？）得，真係！拍搞笑戲糟質我都得，大家知佢係笑匠，如果在佢身上擦出火花係好事，我唔驚接唔住，因為一定接唔住，所以可以大家鬥先好玩。」
　　陶禧玲在戲中扮演陳漢娜（Hanna）長大後的女兒，跟鄭中基有好多對手戲，更大讚對方很好人：「其中一場重頭戲要向鄭中基自白，起初好驚又怕會NG，但佢一坐響度成身就係戲，已經帶我入戲，講起都眼濕濕，戲中都要喊。」
　　