關志康 - 「匙」不與我有口難言 | 神耆商機
關志康
2024-10-07 02:00
字體大小
本地某房地產集團早前突然易帥，即時引起市場熱議。不少人覺得會「投胎」比會投資更重要，因為超級「富二代」含着金鎖匙出世，家住山頂豪宅，自小擁有豐富的資源和人脈，絕對贏在起跑線。
不過，有前輩揭示實況：「其實好多富二代都身不由己，唔係外人所想像般，咁輕鬆快活。我就寧願白手興家、做個小老闆，起碼買架跑車都唔使先考慮我老竇點諗。此外，某程度上富二代都是打份工，但又未必有行家夠膽請你，即永遠無得轉工。現代人長壽，富二代想完全接手『揸莊』，隨時要等到50歲以上；萬一老竇最後『另有安排』、『匙』不與我，過去幾十年『試用期』都付諸流水，白忙了。」
有個超級富二代「飲大兩杯」後分享：「大公司有如一個小王朝。『老臣子』永遠當你係『細路仔』；公司裏絕對無真朋友，很多人埋身都另有目的，有啲同事又會『稟告』返俾我阿爸聽，話我去咗邊度、玩了甚麼，用是非（情報）做人情；就連舊同學去『威』都不叫我，因為怕記者影到就『一鑊熟』，所以我𠵱家都習慣咗孤獨。老闆即係老竇，返到屋企又同枱食飯了，大家盡可能客客氣氣，因為你點都拗唔過佢。真心話都要就住講，免得老人家亂想……」
另一位老前輩插嘴打斷：「我哋經歷過『文化大革命』，童年捱窮、捱苦，小學未畢業已經要去打工；銀行戶口試過只有幾蚊。如今你的所謂壓力真係多餘，雖則你不是一人之下，但已是萬人之上。好大喜功只會『敗家』，而抱怨就只代表你無能，身在福中要惜福！」富二代被當頭棒喝，不是味兒，只能苦笑說：「唔講啦，飲啦！」
健康教育基金會主席
關志康
最Hit
47歲婦常飲1種湯 腦出血中風亡！長期飲恐致癌？醫生揭4大風險
2024-12-09 13:48
伍仲衡被炒魷｜選秀節目評審頻惹爭議 肥媽趙增熹躺著中槍 《全民造星》現最hea評判 陳潔靈：評語要到肉
2024-12-10 15:40
大家樂優惠｜雙12快閃優惠！齊搶16款超值美食餐券 $30兩份早餐/$47.5兩個焗飯/$50兩個煲仔飯 附搶購日期/時間/詳情
2024-12-10 12:27
更多文章
