KellyChu - 參加者：唔使畀錢 最好搞多幾次 愛心義剪助逾千老友記「飛個靚頭」 | Executive日記
KellyChu
2024-08-19 02:00 HKT
字體大小
願景基金會及深水埗居民聯會合辦愛心義剪活動，為當區1000位長者及有需要人士，免費提供理髮服務、中醫診療服務，並派發福袋。有參與長者指，相比起去髮型屋，義剪活動更加開心，「可以睇到大家嘅熱心」。
由願景基金會主辦及深水埗居民聯會合辦嘅「愛心義剪顯真情2024」，昨喺荔枝角社區服務會堂舉辦，活動規模與過往相約，邀請咗100位義務髮型師、30位中醫師為長者提供服務。
現場其中一位參與義剪嘅鄧婆婆話，自己今年係第2次參與，認為活動「非常之好」，最好可以半年搞1次，而場內氣氛亦都不錯，相比起去髮型屋，參與義剪活動更加開心，「可以睇到大家嘅熱心」。
另一位伍婆婆則表示，參與義剪唔使畀錢，當然開心，對於長者而言「幾十蚊都好重要」，期望能夠舉辦更多類似活動，亦同樣認為1年1次少咗啲，3個月搞1次會更好。
深水埗居民聯會理事長陳偉明話，適逢中元節，希望藉活動宣揚孝道及正能量，讓各位長者接收到義工嘅愛心關懷，祝願長者「剪個靚髮，容光煥發」。
願景基金會會長甄韋喬就表示，過去嘅愛心義剪活動服務，受惠人數已超過1萬位，非常感謝各位義工、團體對活動嘅支持，亦感謝各位「老友記」參與活動。
KellyChu
「愛心義剪顯真情2024」邀請咗100位義務髮型師、30位中醫師為長者提供服務。
最Hit
宣萱上載「拖手相」官宣古天樂戀情？無預警甜蜜發圖惹網民瘋狂 本尊上水10字親回應
2025-11-13 22:00 HKT
孝女為亡父取消電話合約 反被客服要求「機主親身嚟辦理」 網民：叫爸爸回魂搵佢整
2025-11-13 18:11 HKT
香港老闆大讚廚師見工有誠意！港男「盛裝」應徵中廚 即場拋鑊炒小菜 網民恭喜：尊重自己同工作
2025-11-13 16:00 HKT
更多文章
