參考資料
第四屆 -【常見錯別字六】
【常見錯別字六】有三個漢字，字形近似，僅偏旁不同，但讀音有同有不同，而且意思也截然不同，但偏偏經常會用錯，所講嘅就係「詡」與「翊」兩字。在運用上，大家覺得係「自詡」、「自翊」定「自栩」？
「詡」粵音heoi2（許），有誇口、說大話、吹噓口嘅意思，也可以解作普及，例如：「自詡」、「誇詡」。「詡」可見於《明史．卷二五七．列傳．陳新甲》：「新甲不引罪，反自詡其功，帝益怒。」意謂陳新甲冇承認自己嘅錯誤，反而吹噓自己嘅功勞，令崇禎皇帝更加憤怒。
至於「栩」粵音一樣係heoi2（許），有歡暢、生動嘅意思。例如「栩然」、「栩栩如生」等。「栩」可見於《莊子．齊物論》：「昔者莊周夢為胡蝶，栩栩然胡蝶也，自喻適志與。」意謂莊周夢見自己變成蝴蝶，喺夢中體驗咗蝴蝶嘅自在快樂，卻忘咗自己原本是莊周。
「翊」粵音jik6（翼），過往曾通「翼」，解作飛翔、翅膀，另外也曾通「翌」，解作下一個、第二個之意。「翊」字相對地較少人使用，最常用嘅詞語包括「匡翊」、「輔翊」，有輔助、恭敬嘅意思，可見於《晉書．裴秀傳附裴頠》：「呂望翊周，蕭張佐漢。」意謂姜太公輔佐周朝，蕭何、張良輔佐漢朝。「翊」反而更多見於姓名，例如明朝萬曆皇帝明神宗朱翊鈞、孫權親弟孫翊等。
例句：「他總是自詡為公司的中流砥柱，高傲自大，令人討厭。」
例句：「博物館內的蠟像栩栩如生，幾乎和真人沒什麼兩樣。」
例句：「這位忠臣深得君主信任，一直協助輔翊朝政，直到最後。」
自詡
自翊自栩