聶德權fb解畫：不嬲都手震

港聞

更新時間：18:38 2020-04-29 HKT
發佈時間：06:33 2020-04-24 HKT

政府高層大換班，五名局長新官上任，昨日在立法會咪兜會見傳媒。由政制及內地事務局調任掌管公務員事務局的聶德權，發言時就被傳媒發現雙手不斷抖震。當時聶德權正以英語回應有關《基本法》第二十二條的問題，雙手擺在身後，左手捉着右手，右手不停在震，睇到盧駿都好擔心局長生理和心理狀況。其後他以中文回應另一提問時，亦有手震。　

手震情況惹來關注，聶局長好快就在社交媒體解畫。他在社交網站上載一封「給公務員的信」時，亦借機附上多個hashtag（標籤）解釋，話「俾人發現我講嘢手震，今日睇返片先知原來次次講嘢都手震，其實我講嘢不嬲都手震。」局長又指，「呢排瞓得少跑得少、會瞓番多啲跑多啲步」，仲澄清自己身體無恙，多謝外界關心咁話。局長身體無事，盧駿都安心晒，工作幾忙都好，最緊要保重身體！