「娛樂圈二世祖」鄧兆尊出手夠闊綽 用一個月人工「萬歲」一餐：我只係夾咗粒燒賣
發佈時間：18:00 2025-07-18 HKT
已故粵劇名伶新馬師曾（鄧永祥）兒子鄧兆尊多年來被封為「娛樂圈二世祖」、「現代韋小寶」，風流倜儻多金又多女，擁有3位紅顏知己，包括「正印」Carmen、「阿二」車厘子（Cherry）及「阿三」陳妙慧（Nana）陪伴身邊，多年來成為城中熱話。
鄧兆尊「萬歲」一餐食了一個月人工
生活無憂的鄧兆尊近年主力在網上主持節目，在節目上不時大爆圈中人是非，又或者分享竹自身經歷，日前鄧兆尊和吳家樂在YouTube節目《娛樂好好玩》上分享在拍攝現場「萬歲」，鄧兆尊坦言試過請食外賣糖水，被人偷龍轉鳳將燕窩變西米露，又試過「萬歲」午餐，一餐食了一個月的人工。
相關閱讀：鄧兆尊罕談立遺囑 「三房」家產分配早有安排？爆曾被趕出街唔敢住酒店：驚被話帶女去
鄧兆尊「萬歲」午餐食了一個月人工 ：
董敬文爆有人酷熱天氣「萬歲」請飲熱嘢
鄧兆尊和吳家樂日前在《娛樂好好玩》上，談到TVB藝人董敬文曾在IG留言稱拍《刑偵12》時，同場的一位女演員在30多度的酷熱天氣下「萬歲」請飲嘢：「呢個女演員真係好好，佢買咗100杯飲品去現場，點知原來呢100杯都係熱飲，30幾度飲熱飲，呢個女演員真係好着重養生，我第一次見有人『萬歲』，但係冇人飲嘢，呢個女演員喺劇名叫『可兒』，佢嘅行為係真好有可疑。」原來這個女演員是林熹瞳。鄧兆尊笑問是否買錯，接着與吳家樂一人一句說「萬歲」都有秘技。
鄧兆尊萬歲午餐食了一個月人工
身家豐厚的鄧兆尊當然試過萬歲，他笑說：「我試過喺廠「萬歲」請食外賣糖水，嗰陣靜雞叫人拎住張紙逐個問，嗰陣買咗30幾碗糖水返嚟食，有人畀咗碗燕窩我，我咪呢碗燕窩放喺櫃桶，點知轉頭想食嘅時候發現被人換成西米露。」鄧兆尊續說：「我又試過拍外景，嗰日有好多戲要拍，我咪同幕後講『我哋可唔可以拍快少少，我哋唔駛食飯盒』，結果好爽手完工，比平時快一個鐘。跟住帶咗我去沙田一間茶樓飲茶食晏，嗰次真係甘，但因為太攰，我夾咗粒燒賣食，點知未吞就瞓著咗，醒返發覺自己仲含住粒燒賣，埋單仲要三千幾蚊，我一個月人工都係三千幾咋，一餐就食晒份人工，真係眼淚在心裡流。」
相關閱讀：何家勁開工廠被指伙食差！拍片親試飯餸辟謠 竟弄巧成拙被狂寸：看着就沒胃口
何家勁鄧兆尊有密切關係：
