2019-03-22 (星期五)  
 25º  85%

打不死的小強 楊秀惠望學習艾妞堅強面對挑戰

2019-01-11 (19:05)
Previous Next
       無綫劇集《大帥哥》晚上將播出大結局,在劇中飾演「大帥哥」張衛健二姨太的楊秀惠,憑著「艾妞」一角獲讚演技成熟,備演活了該角。楊秀惠亦在大結局這日子,於社交平台以近千字文感謝觀眾支持「艾妞」。
      楊秀惠稱:「人人都想自己出身高貴,唔使睇人面色做人,唔使哀求人,唔使時刻擔心會流離失所,可以永遠過住豐衣足食嘅生活啊。可惜,生活係現實嘅,為咗適應環境同生存落去,佢需要帶住虛偽嘅面具,對住人笑,只想賺多啲錢令自己有安全感,因為呢個世界冇人會保護佢為佢著想。」更指出該角色是社會的寫照,實在有血有淚。
      秀惠在文末更感觸說:「今次,我盡了百分之二百的努力去飾演『艾妞』,因為演員永遠都係度等個機會,等一個唔知幾時先會嚟到嘅機會,等待一個被接納、被認同嘅機會,等一個下次唔知會否再出現的機會。」最後她更謂:「一切如過眼雲煙,喺曲終人散之後一切將恢復平靜,學習『艾妞』繼續微笑住堅強地迎接人生嘅挑戰 #艾妞是打不死的小強」。
      
      楊秀惠全文:
      聽(今)晚「#大帥哥 」就大結局了。
      好多謝大家對大帥哥的支持, 亦感激大家能夠接納艾妞並且鍾意佢。
      
      實不相瞞,一開始接到艾妞呢個角色時,我有啲擔心甚至乎係抗拒。
      因為「 #艾妞 」喺劇集中前半段嘅角色設定,係一個風騷、貪錢、同不斷為錢而去討好男人嘅人,試問一下,有邊個會鍾意呢種人啊。
      
      人人都想自己出身高貴,唔使睇人面色做人,唔使哀求人,唔使時刻擔心會流離失所,可以永遠過住豐衣足食嘅生活啊。可惜,生活係現實嘅,為咗適應環境同生存落去,佢需要帶住虛偽嘅面具,對住人笑,只想賺多啲錢令自己有安全感,因為呢個世界冇人會保護佢為佢著想。
      如此真實的社會寫照。
      
      當佢終於遇到對自己真心真意嘅人,可以唔使再虛偽,可以真實坦誠去面對呢個人嘅時候,上天卻選擇帶走咗佢。或者人生根本就係一場充滿歡樂悲傷艱難同崎嶇嘅旅程吧。
      
      佢會喊,佢會覺得傷心。
      但最後佢選擇帶住微笑,堅強哋去繼續所有挑戰, 因為地球唔會因為悲傷而停止轉動,太陽照常會升起,日子一樣要過,雖然傷痛依舊存在。好認同佢嘅一句,喺邊度跌,就喺邊度企返身
      
      拍完呢套劇之後,我成日都喺度諗,人生唔似劇集,30集就完結。又有幾多人會真係用時間同心思去慢慢了解同認識另一個人呢?
      
      經歷咗半年「艾妞」嘅人生,我發現用「有頭髮邊個想做癩痢」呢句說話來形容艾妞嘅人生非常貼切嘅。「 Don’t judge a book by it’s cover」唔好單憑外表去判斷一個人的全部。可能呢個就係「艾妞」會選擇唔理會其他人嘅評價,想笑就笑,想喊就喊,不願束縛自己情緒,只為珍惜自己嘅人而付出嘅原因吧。
      
      今次,我盡了百分之二百的努力去飾演「艾妞」,因為演員永遠都係度等個機會, 等一個唔知幾時先會嚟到嘅機會, 等待一個被接納、被認同嘅機會,等一個下次唔知會否再出現的機會。
      
      一切如過眼雲煙,喺曲終人散之後一切將恢復平靜,
      學習「艾妞」繼續微笑住堅強地迎接人生嘅挑戰 #艾妞是打不死的小強
      #希望明天的結局是大家最期盼的
      #楊秀惠
      #有種情叫愛情
      #有種情叫親情
      #有個熟悉的地方叫家

       
所有留言

<