2019-06-19 (星期三)  
 29º  87%

Kelly Online:佔用殘廁鬼混吸煙 失明人士炮轟自私精四宗罪

2019-03-13 (14:59)
Previous Next
       肚瀉時遇着廁所大排長龍,有時都會使用俗稱「殘廁」的傷殘人士洗手間。但有失明人士發帖炮轟自私精四宗罪,指有人在殘廁內吞雲吐霧吸煙;將雙腳踩在廁板上;又搞到地板濕滑如溜冰場般,甚至在廁所內鬼混,令有需要人士要在門外苦等,被逼吸二手煙,對失明或使用步行架人士來說更容易發生意外。樓主指,過去有殘廁上鎖來避免濫用,直言不方便,但若此歪風不能改變,寧願「全天候上鎖」,「好過個廁所變咗部份人嘅開心樂園,我哋用家就唔知點算」。
      
      全失明人士包包昨在facebook群組「Tai Po 大埔」發帖,炮轟殘廁遭人不當使用的情況,指有人貪方便就手在殘廁內鬼混gathering ,結果「我哋呢班有需要用嘅朋友,要喺門外等你哋快樂玩到夠啦,我哋先有得去廁所,呢個係乜嘢道理?」另有些人在廁所內吸煙,不但令真正有需要用家被逼吸二手煙,「好多輪椅朋友因為嚴重疾病需要用呼吸機,呼吸系統比一般人差好多,對煙味特別敏感,呢種無奈、辛苦有幾多個人會明白體會得到? 」
      
      包包又說,部分人會將雙腳踩在廁所板,質問「唔通你兩隻鞋乾淨過你個pat pat? 」,並慨嘆有多少人會明白,很多肢體傷殘人士手腳不能協調,想取一張消毒紙巾來清潔廁板的能力都沒有;他亦批評有人使用殘廁後,「搞到地下又濕又滑,好似去咗溜冰場咁樣,對於我哋睇唔到嘅朋友,用步行架唔方便嘅朋友,好容易引起意外受傷,有幾多個人會諗到」。
      
      他認為,殘廁如同關愛座,「任何人都可以有權利用殘廁」,但最重要是大家應有公德心、自律,「有需要一樣可以用,最多衡量下自己某情況下係唔係唔用殘廁唔得,如果緊急到一定要用嘅,係真係無可厚非嘅,放心用啦」。他明白,很多事情是多嘢迫不得已,但希望大家能互相體諒。
      
      帖文引來不少網民留言支持樓主,「殘廁應該留俾有需要嘅人」,批評樓主提及的自私精「真係離譜,用唔係問題,但係用到咁叫人點去」,認為事件值得關注,「唔係不便人仕真係唔會體驗到係咁唔方便,咁難受。希望朋友關注一下。」另有在商場工作的網民表示,不時見到很多人貪方便而使用殘廁,「最離譜係响入面煲煙,試過打埋去控煙辦投訴都無用,所以就算麻煩啲都寧願鎖咗道門,好過被人濫用」。

       
所有留言

<